हे माझे घर
मला पाहता उजळत जाते
हे माझे घर
माझ्यासोबत प्रसन्न होते.
फुले उमलती, पागोळ्याही,
पहाट शीतळ, उष्ण ऊनही
चंदनवारा, चांदणवेळा,
चंद्रकळ्याही अलगद जपते
विस्कटलेपण.. शीण जीवाचा..
क्षीण सूर.. कधी सतेज ताना..
रंग उधळते, स्वप्न बहरते
सारे त्याला सहज उमगते.
थोपटणारा स्पर्श मंद अन्
अधीर मनाला दृढ दिलासा
दटावणे कधी, शांत मौनही
खळखळणारे हसणेदेखील
इथे फक्त, मज इथे गवसते.
हे माझे घर..
माझ्यासाठी..
दरीत मनाच्या सदैव वसते.
मला पाहता उजळत जाते
हे माझे घर
माझ्यासोबत प्रसन्न होते.
फुले उमलती, पागोळ्याही,
पहाट शीतळ, उष्ण ऊनही
चंदनवारा, चांदणवेळा,
चंद्रकळ्याही अलगद जपते
विस्कटलेपण.. शीण जीवाचा..
क्षीण सूर.. कधी सतेज ताना..
रंग उधळते, स्वप्न बहरते
सारे त्याला सहज उमगते.
थोपटणारा स्पर्श मंद अन्
अधीर मनाला दृढ दिलासा
दटावणे कधी, शांत मौनही
खळखळणारे हसणेदेखील
इथे फक्त, मज इथे गवसते.
हे माझे घर..
माझ्यासाठी..
दरीत मनाच्या सदैव वसते.
