मन मनास उमगत नाही

मन मनास उमगत नाही, आधार कसा शोधावा?

स्वप्नातील पदर धुक्याचा हातास कसा लागावा?

मन थेंबांचे आकाश, लाटांनी सावरलेले

मन नक्षत्रांचे रान, अवकाशी अवतरलेले

मन गरगरते आवर्त, मन रानभूल, मन चकवा,

मन काळोखाची गुंफा, मन तेजाचे राउळ,

मन सैतानाचा हात, मन देवाचे पाउल,

दुबळ्या गळक्या झोळीत हां सूर्य कसा झेलावा?

चेहरा- मोहरा याचा, कधी कोणी पाहिला नाही

धनि अस्तित्त्वाचा तरीही, याच्याहुन दूसरा नाही,

या अनोळखी नात्याचा कुणी कसा भरवसा द्यावा?

मन मनास उमगत नाही, आधार कसा शोधावा?

स्वप्नातील पदर धुक्याचा हातास कसा लागावा?

इथून